Duais do Choláiste Phádraig

D’éirigh go hiontach le mic léinn Choláiste Phádraig a ghlac páirt i bhFéile Drámaíochta na gColáistí in Ollscoil na hÉireann, Gaillimh, an deireadh seachtaine seo chaite.  Bhuaigh duine de na haisteoirí, Fiontán Ó Cuinn, gradam as an “máistreacht a léirigh sé ar cheird na haisteoireachta”.  Naonúr mac léinn tríú bliana a chuir an dráma “An Saol Eile” ar stáitse mar chuid de chúrsa acadúil ar an drámaíocht agus ba í Ríóna Ní Fhrighil a léirigh an dráma.  Fuair an fhoireann aisteoirí agus an léiritheoir ardmholadh ó údar an dráma, Breandán Mac Gearailt, as an léiriú greannmhar, samhlaíoch seo.