Foilseacháin nua

 

Foilsíodh Foclóir Litríochta agus Critice/ Dictonary of Literature and Criticism (An Gúm, 2007), sainbhailiúchán téarmaí i réimse na critice liteartha.  Ba í Máirín Nic Eoin, Roinn na Gaeilge, Coláiste Phádraig agus ball de Choiste Stiúrtha an Choiste Téarmaíochta, a d’eagraigh agus a stiúraigh an tionscadal téarmaíochta seo, a raibh scoláirí ó institiúidí eile léinn, agus saineolaithe eagarthóireachta agus foilsitheoireachta, rannpháirteach freisin ann.  Beidh an foclóir ina áis luachmhar údarásach do dhuine ar bith atá ag gabháil do staidéar ar litríocht na Gaeilge.

 

Ag comhdháil bhliantúil Gaelscoileanna i mí na Samhna, foilsíodh an saothar taighde Cruinneas na Gaeilge scríofa sna hiar-bhunscoileanna lán-Ghaeilge i mBaile Átha Cliath (An Chomhairle um Oideachas Gaeltachta & Gaelscolaíochta, 2007) le Clare Walsh.  Tá an foilseachán bunaithe ar an tráchtas a scríobh Clare mar chuid den MA Teagaisc sa Ghaeilge i gColáiste Phádraig sa bhliain 2005.

 

 

 

 

 

 

 

 

 

 

Last Updated: Monday December 17 2007