Seoladh an DVD Nua ar Thús na Léitheoireachta i Scoileanna lán-Ghaeilge agus Gaeltachta

Sheol Muireann Ní Mhóráin ón gComhairle um Oideachas agus Gaeltachta (COGG) an DVD nua ar Thús na Léitheoireachta i scoileanna lán-Ghaeilge agus Gaeltachta ag ócáid spreagúil i gColáiste Phádraig, Droim Conrach ar an Déardaoin 7 Deireadh Fómhair.

I measc na ndaoine a bhí i láthair ag an ócáid, bhí múinteoirí a bhí páirteach ins an DVD:

• Bairbre Mhic Dhonncha, SN Leitir Móir, Co na Gaillimhe
• Deirdre Ní Dhorchaí, Gaelscoil Mhichíl Chíosóig, Inis, Co an Chláir
•  Bríd Mhic Gearailt, Scoil an Duinnínigh, Sord, Co Bhaile Átha Cliath.
• Máire Uí Dhufaigh (Comhordaitheoir an tionscadail Náisiúnta Séideán Sí), Inis Oirr, Oileán Árainn, Co na Gaillimhe.

Anuas ar na scoileanna sin, rinneadh taifeadadh ar:

• Aodh Ó Gallachóir, Scoil Naomh Muire, Na Doire Beaga, Co. Dhún na nGall
• Caitríona Uí Bhéarra, Scoil Sailearna, Indreabháin, Co. na Gaillimhe
• Niamh Rutar agus Edel Nic Éanaigh, Gaelscoil Mhichíl Chíosóig, Inis, Co. an Chláir.
• Aisling Ní Mháirtín, Scoil Neasáin, Bóthar Nic Amhlaí, Baile Átha Cliath 5
• Caitríona Ní Ghriallais, Scoil Sailearna, Indreabhán, Co. na Gaillimhe (Tuismitheoir)
• Máirín Ní Eidhin, Scoil Náisiúnta Leitir Móir, Leitir Móir, Co. na Gaillimhe (Tuismitheoir).

Mhol Muireann Ní Mhóráin (COGG) an éacht oibre a bhí déanta ag Máire Ní Bhaoill agus Paul Murphy agus go mbeadh an DVD mar acmhainn luachmhar i scoileanna lán-Ghaeilge agus Gaeltachta. Dúirt sí go mbeadh COGG sásta maoiniú a chur ar fáil chun an dara cuid den tionscadal ar ‘Forbairt na Léitheoireachta sna Meán agus sna hArd Ranganna’ a fhorbairt amach anseo.

• Léiríonn an DVD dea-chleachtas maidir le tús na léitheoireachta mar chuid den chlár Séideán Sí. Tugtar treoir do mhúinteoirí maidir le húsáid na leabhairíní, léitheoireacht pháirteach agus conas na grúpaí léitheoireachta a eagrú.

 

 

 

 

 

 

 

 

 

 

Last Updated: Tuesday October 19 2010